DIS ALTYD 'N VOORREG OM NUWE VRIENDE TE ONTMOET
EnDeo glo in familie.
EK IS NUUT
Waar begin ek . . .
PASTOOR DEON SWART
Welkom by EnDeo.
Ons as Voltydse Span en Leierskap van EnDeo glo dat jou handevat met ons, die begin sal word, van ‘n verruklike ervaring oor jou Godsbelewenis.
Ons uitsluitlike doel is om Jesus bekend te maak. Die keuse om ‘n verskil te maak, in mense se lewens, is die getuienis van dit wat Jesus Christus in ons lewens kom wakker maak het.
Mag hierdie belewenis, in elke aspek van jou lewe, ook uiting kry in jou uitlewing van jou verhouding met Jesus Christus.
Kom word en wees deel daarvan om op welke wyse ookal, jouself uit te leef. Kom leef jouself uit in ons kleingroepe, jou bediening en jou passie vir God.
Hier is ons groot genoeg om jou te erken in jou Godsroeping en klein genoeg om erkenning te gee aan dit wat God deur en in jou wil en gaan doen.
Ons roeping in Ekurhuleni is om 200 000 mense vir Jesus te wen. Jesus het Sy lewe gegee… Ons gee ons getuienis… Ons elkeen het ‘n storie. Ons wil sien hoe “jou storie” in mense se lewens ‘n verskil gaan maak. EnDeo beteken om jouself “in God entoesiasties” te kan uitleef.
Ons leef vir dit!
Groete
Deon en Glenda Swart
WAT OM TE VERWAG
Wil jy jou kind toewy aan die Here?
EnDeo Familiekerk glo dat kinders ‘n geskenk van God is, en ons is baie opgewonde dat u die kind se toewyding ondersoek.
Kindertoewyding is ‘n openbare toewyding wat jy voor God, jou kerk en jou familie doen.
Die toewydingsdiens bied jou as ouer, die geleentheid om jou begeerte uit te druk om jou kind in samewerking met die Heilige Gees te lei en geestelik te koester sodat jou kind ‘n begeerte sal hê om God lief te hê en ander lief te hê.
Maak gerus kontak met ons vir kindertoewyding op 011 425 3295 of whatsapp ons op 062 988 1668.
Moet ek myself laat doop?
As EnDeo gemeente glo ons om in die voetspore van Jesus te volg en ander dissipels vir Hom te maak. Jesus het Homself laat groot doop en gee ons ook in Matteus die opdrag om dieselfde te doen. In gehoorsaamheid bemoedig ons ook ander gelowiges aan wat hulle harte en lewens aan Jesus Christus gegee het om hulle te laat doop. As jy enige navrae het oor die doop wil ons jou aanmoedig om ons doopgesprek by te woon.
ENDEO MAAK 'n VERSKIL
WHAT TO EXPECT
Hoe kom ek by EnDeo Familiekerk?
EnDeo is reg langs die N12 hoofweg geleë, tussen die Snake Weg en Tom Jones Weg afritte. Wanneer jy een van hierdie afritte neem, is daar duidelike borde langs die pad wat jou tot by ons kerk neem. Die kerk is op die hoek van 2de Laan en 6de Straat in Northmead, Benoni geleë.
Parkering
Jy kan by die perseel inkom vanaf 2de Laan en 6de Straat. Daar is veilige parkering op die terrein en daar is elke week twee wagte wat die karre oppas tydens die diens. Die hekke word ook tydens die diens toegemaak, om jou en jou voertuig se veiligheid te verseker.
.
Watter klere moet ek dra ?
Vandat jy by die kerk aankom sal jy die familie atmosfeer beleef. Juis daarom het ons geen spesifieke voorkeure rondom kleredrag nie. Jy kan verwag om mense te sien wat gemaklik aangetrek is, en ook mense te sien wat deftiger kleredrag verkies. Jy is welkom om te kom net soos wat jy is.
DIENS TYE
Liewe EnDeo Gemeente.
Neem asb kennis dat ons dienste op Sondae gesluit sal wees vir die volgende paar weke,tot verdere kennisgewing!
Ons dienste bly steeds Aanlyn beskikbaar.
Kom ons bid asb almal saam vir mekaar en vertrou God vir Sy hand van seën en genade.
Ons hoop is in God!
Seëngroete.
EnDeo Span.
Dienste word op verskeie platforms, YouTube, Facebook en Spotify, op Sondae uitgesaai en is teen alle tye beskikbaar.
QOUTE OF THE DAY
Die keuses wat ons maak, maak of breek ons
Pastoor Deon Swart RIGTING